Nid yw Ymgysylltu QI yma i’ch helpu i ddod yn arbenigwr cyfathrebu. Mae’r adnodd hwn wedi’i gynllunio i roi cyflwyniad i chi i ddulliau a thechnegau cyfathrebu, ymgysylltu a gwyddor ymddygiadol, i’ch helpu i deimlo eich bod wedi’ch grymuso i roi cynnig ar y pethau sylfaenol. Efallai y byddwch chi’n synnu pa mor effeithiol ydyn nhw o ran helpu i oresgyn rhwystrau a gyrru’ch gwaith yn ei flaen.
Fel yn achos unrhyw rôl ym maes gofal iechyd, ni fyddem yn eich annog i weithredu y tu hwnt i’ch galluedd neu y tu allan i’ch man cyfforddus. Mae gweithwyr cyfathrebu ac ymgysylltu talentog ar draws GIG Cymru sydd wedi’u gwreiddio yn eich sefydliad ac sy’n deall sut mae’n gweithio a fydd yn gallu cynnig cyngor sy’n berthnasol i’ch cyd-destun i chi.
Mae gan y Tîm Cyfathrebu Gwelliant o fewn Gwelliant Cymru brofiad o ddefnyddio cyfathrebu, ymgysylltu a gwyddor ymddygiad ym maes ac o amgylch gweithgarwch gwella yn GIG Cymru. Rydym ar gael i gynnig cyngor ac arweiniad pellach am yr hyn y byddwch yn ei ddysgu drwy ddefnyddio Ymgysylltu QI, yn ogystal ag unrhyw gymorth arall y gallai fod ei angen arnoch ynghylch sut y gallai cyfathrebiadau gefnogi eich gwaith gwella.
Ymuno â'r gymuned
Mae Ymgysylltu QI i chi. Mae datblygiadau cyffrous ar y gweill gan gynnwys pecynnau cymorth newydd, templedi, hyfforddiant a rhwydweithio. Ymunwch â’r gymuned a llunio’r hyn sydd ar gael fel ei fod yn gweithio i chi.
Cofrestru â'r gymuned